Медициналық қалдықтарды өртейтін кешен Ұлан ауданына салынатын болды
ШҚО-ның Ұлан ауданына медициналық қалдықтарды өртейтін кешен салу жоспарлануда, деп хабарлайды Алтайньюс тілшісі.
Бұл туралы Табиғи ресурстар және табиғатты пайдалануды реттеу басқармасының сайты мәлімдеді.
Мерзімі өтіп кеткен дәрі-дәрмектер мен өзге де қалдықтарды өртейтін кешен жоспар бойынша Қасым Қайсенов кентінің шығысына қарай орналасады. Шамамен тұрғын үйлерден 1200 метр қашықтықта.
«Кешен қызметтің негізгі түрі — медициналық қалдықтарды, соның ішінде мерзімі өтіп кеткен дәрі-дәрмектер мен қатты тұрмыстық қалдықтар палигонына көмілетін дәрі-дәрмектерді өртеу болып табылады», – делінген жобалық құжатта.
1 наурыз күні 11.00-де Қасым Қайсенов кенті (Ұлан ауданы), Нұржау көшесі, 16/2 мекенжайында кешенді салу бойынша қоғамдық тыңдау өтеді.
Оқи отырыңыз
Ұландықтар қарсы. Медициналық қалдықтар кешені салына ма?Ұлан, Глубокое аудандарында қоқыс өртейтін зауыттар салынадыҰлан ауданында медициналық қалдықтар кешені салынбайтын болдыҚатты тұрмыстық қалдықтарды өңдейтін кәсіпорын Өскеменнен тысқары салынатын болдыШығыс Қазақстанда тұрмыстық қалдықтар мәселесі шешілмей тұр
