Өскемендіктер автобустар мен трамвайлардың қозғалысын мобильдік қосымшадан бақылай алады, деп хабарлайды Алтайньюс тілшісі.

Бұл туралы Көлік және автомобиль жолдары басқармасының басшысы Нұржан Жұмаділов айтты. Көлік саласын цифрландыру аясында басқарма осындай жаңалық енгізіп отыр.

– Қалалық жолаушылар көлігін диспетчерлендірудің ақпараттық жүйесін құру және жол жүру ақысын бақылаудың автоматтандырылған жүйесін енгізу биылғы жылға жоспарлануда. Сондай-ақ жақын арада тағы бір жаңа жүйе іске қосылады. Ол – мобильдік қосымша. Қосымша қаладағы қоғамдық көліктердің барлық 57 бағытын қамтиды,оның ішінде трамвайлар да бар. Бұдан былай облыс орталығының тұрғындары нақты уақыт режимінде қозғалысын бақылауға мүмкіндік алады – деді Н.Жұмаділов.