«Яндекс.Такси» қазақстандық жүргізушілерден салық талап етеуде, деп хабарлайды Алтайньюс тілшісі.

«Яндекс.Такси Қазақстан» компаниясы мен «Яндекс.Такси» қосымшасы арқылы қызмет көрсететін таксопарктер үстіміздегі жылдың 1 ақпанынан бастап жеке тасымалдаушылардан салық міндеттемесін орындауды талап етіп отыр.

Жеке такси жүргізушілері салықты екі жолмен төлей алады:

• жеке кәсіпкер ретінде тіркелу арқылы: бұл жағдайда салық мөлшерлемесі тапқан табыстың 1 %-ын құрайды;

• салық органында тіркелмей-ақ, заңнамада қарастырылған шарттардың барлығын сақтаған жағдайда ай сайын 1 АЕК (2 525 теңге) көлемінде бірыңғай жиынтық төлем жасау арқылы.