17 қаңтар күні полицияға кәмелетке толмаған төрт баланың жоғалғаны туралы хабар түсті, деп хабарлайды Алтайньюс тілшісі.

Бірінші жағдайда төртінші сыныптың екі оқушысының жоғалғаны туралы туыстары хабарлаған. Полицияның ақпараты бойынша, оқушылар таңертең үйлерінен мектепке шығып кетеді, бірақ сабаққа сол бойы бармаған. Ата-аналары полицияның көмегіне жүгінуге мәжбүр болды. Кейін анықталғандай, олар білім мекемесіне таяу маңдағы үйлердің бірінің ауласында жүрген екен.

Екінші жағдайда қала тұрғыны 5 және 6 жастағы немерелерінің үйде ойнап жүріп, жоғалып кеткенін айтқан. Бүлдіршіндер байқатпай пәтерден шығып кеткен көрінеді. Полиция қызметкерлері балаларды іздеп тауып, үйіне қайтарған.