Gismeteo сайты Қазақстанның ірі қалаларындағы қаңтардың 5-6 күндеріне арналған ауа-райын ұсынды, деп хабарлайды Алтайньюс тілшісі.

Басқа қалалармен салыстырғанда ең суық ауа-райы Өскемен қаласында болады екен.

5 қаңтарда күн бұлттанып, қар жауып, боран соғуы ықтимал екен. Күндіз ауа температурасы минус 23-26 градус болса, түнде – 26-29 градусқа дейін жетеді.

6 қаңтарда жауын-шашын болмайды. Сынап бағаны күндізгі уақытта -21, -26 градусты көрсетеді. Ал түнгі уақытта -28, -31 градусқа дейін аяз түсуі мүмкін.