Ағымдағы жылдың 18 желтоқсанында, сағат 18:00-де "Ертіс концерт" залында «Ақ босаға» ансамблінің 10 жылдығына арналған «Өмірді әнмен тербеген» атты мерекелік концерт өтеді.

«Ақ босаға» ансамблі 2015 жылы қазан айында құрылған. Ансамбльдің құрамында зейнет жасындағы әжелер, ұлағатты ұстаздар, дәрігерлер және зейнетке шыққан өнер қайраткерлері бар. Бұл ұжым өз өнерімен көптеген концерттік бағдарламаларда көрермендердің ыстық ықыласына бөленіп, халықты бірлік пен берекеге шақырып келеді.

Концерттік бағдарламада «Алтай» фольклорлы-этнографиялық ансамблі мен «Алтай» халық би ансамблі де өз өнерлерін ортаға салады. Олар өзінің көркем және әсем қойылымдарымен көрермендерді таңқалдырып, ұлттық мәдениетті насихаттамақ.

Бұл ерекше мәдени шараға қатысу үшін кіру тегін. Барлық өнер сүйер қауымды концертке шақырамыз!