Шығыс Қазақстанда бокстан жастар арасындағы ел чемпионаты өз мәресіне жетіп, өңір спортшылары топ жарды. Бір апта бойы Өскемен нағыз жас боксшылардың қызу додасына айналып, елдің түкпір-түкпірінен келген 2008-2009 жылғы 400 талантты боксшыны төріне жинады, деп хабарлайды Altainews.kz.

Шығыс Қазақстан облысының құрамасы биік межеден көрініп, жалпыкомандалық есепте екінші орынға табан тіреді. Бұл – өңір спортының жүйелі еңбегі мен жас былғары қолғап шеберлерінің ерік-жігерінің айқын нәтижесі.

Жиналған жеті медаль – екі алтын , бір күміс, төрт қола – жас өрендердің табандылығының жемісі.

Чемпион атанғандар:

• Темірбаев Темірали (55 кг)

• Баяндинов Алдияр (65 кг)

Күміс жүлдегер:

• Алтай Абзал (50 кг)

Қолаға қол жеткізгендер:

• Шафих Баянды (55 кг)

• Қарымбек Нұрасыл (75 кг)

• Жұмажан Мансұр (80 кг)

• Күмісбек Қажымұқан (85 кг)

Жалпыкомандалық додада Алматы құрамасы көш бастаса, үшінші орынға Алматы облысы табан тіреді. Бұл чемпионат – еліміздің ең үздік жас боксшыларын іріктейтін, болашақ ұлттық жастар құрамасының негізі қаланатын маңызды белес.