Ұлан ауданының орталығы Қайсенов кентінде биыл үш үй қолданысқа берілмек.

- Аудан орталығының 4 кварталында облыс әкімінің бастамасымен "Бір қабатты шығыс" бағдарламасы аясында халықтың әлеуметтік осал топтарына арналған, жалға берілетін үйлер салынуда, - деді Ұлан ауданының әкімі Ренат Құрманбаев.

Өткен жылы ауданда 8 екі пәтерлі үй пайдалануға беріліп, 16 көпбалалы отбасы жаңа тұрғын үйге қоныстанған
болатын.

- Осы жылдың шілде айында 3 үйдің құрылысы аяқталады деп жоспарлаудамыз. Яғни, тағы 6 көпбалалы отбасы үй алады, - деді аудан басшысы.