Д.Серікбаев атындағы Шығыс Қазақстан техникалық университетінде Ғылым апталығы аясында XI халықаралық конференция өтті. «Қазақстанның инновациялық дамуына жастар шығармашылығы» атты конференцияға студенттер, магистранттар, докторанттар мен жас зерттеушілер қатысып, ғылыми әлеуетті арттыру жолдарын талқылап, тәжірибе алмасты, деп хабарлайды Altainews.kz тілшісі.

Шараның мақсаты – жас ғалымдарды жан-жақты қолдау, кәсіби байланыс орнату және тәжірибе бөлісу. Шығыс Қазақстан облысының әкімі Нұрымбет Сақтағанов конференцияға қатысушыларды құттықтап, бірқатар ғалымдарға алғыс хат табыстады.

Ол ғылым мен инновацияны дамыту арқылы аймаққа инвестиция тарту, жаңа жұмыс орындарын ашу және халықтың өмір сүру сапасын арттыру мүмкін болатынын атап өтті.

Айта кетейік, ШҚТУ ғалымдары аддитивті өндіріс, материалдарды өңдеу технологиялары, геоақпараттық жүйелер және өзге де салаларда жобаларды жүзеге асырып келеді. Конференция барысында бірнеше зерттеу жұмыстары көпшілік назарына ұсынылды.

Ғалым сондай-ақ қазіргі таңда мемлекет тарапынан жас зерттеушілерге ғылыми жұмыс жүргізу үшін барлық жағдай жасалып отырғанын атап өтті.

Д.Серікбаев атындағы ШҚТУ ректоры Сәуле Рахметуллина ғалымдарды қолдау тетіктеріне гранттық қаржыландырудан бөлек, мемлекеттік тұрғын үй, жеңілдетілген ипотека және шетелдік ғылыми тағылымдамалар кіретінін атап өтті. Бұл – ғалымдардың халықаралық әріптестік орнатуына да зор мүмкіндік.

Фото: Махаббат Ахметжанова