Мұнайдың әлемдік бағасы төмендеп жатыр, деп хабарлайды Altainews.kz тілшісі.

Лондонның ICE биржасында Brent маркалы мұнайдың қарашадағы фьючерстері құны 1,07 пайызға төмендеп, барреліне 72,96 доллар болды.

WTI маркалы мұнайдың қазандағы фьючерстері 1,18 пайызға арзандап, барреліне 69,51 доллар болған.

Еске салайық, 4 қыркүйекте Brent маркалы мұнай бағасы барреліне 73 долларға дейін төмендеген болатын. Сарапшылардың пікірінше, бұл 2023 жылдың желтоқсанынан бері тіркелген ең төменгі баға.