Жерүсті өткеліндегі лифтілер жөнделеді – Өскемен
Ағымдағы жылы жерүсті өткеліндегі лифтілер ауыстырылады. Ол үшін шамамен 70 миллион теңге бөлінген.
Енді жерүсті өткеліндегі лифтілерді кез келген қала тұрғыны қолдана алады, деп хабарлайды Altaynews тілшісі.
Облыс орталығында Спорт сарайы ауданындағы жерүсті өткелі 2018 жылы салынған болатын. Негізінен, лифтілер мүмкіндігі шектеулі азаматтарға ғана арналған еді. Алайда іс жүзінде олар мүлде жұмыс істемеген.
Бізге тұрғындардан өткелдегі лифтіні тек мүмкіндігі шектеулі жандар ғана емес, кез келген адам қолдана алатын болса деген ұсыныстар бірнеше рет келіп түсті. Сондықтан ағымдағы жылы 3 лифтіні жөндеуге қаражат бөлдік. Енді оларды кез келген қала тұрғыны пайдалана алады. Қазіргі күні мемлекеттік конкурсын жариялау үшін техникалық ерекшеліктер дайындалды. Конкурстық рәсімдерден кейін жұмыстар басталады, дейді қалалық ТҮКШ жолаушылар көлігі және автомобиль жолдары бөлімі.
Айта кету керек, қала басшысы лифт орнатуға 70 миллион теңге бөлген.
Оқи отырыңыз
