Өскемен әкімі шаhардағы ЖОО-лардың бірінің атын өзгертуді ұсынды
Облыс орталығының әкімі Жақсылық Омар Қазақстан-Американдық еркін университетінің атын өзгертуді ұсынды.
Шаhар басшысы ЖОО-ға оның негізін қалаушы Ережеп Мәмбетқазиевтің есімін беруге ұсыныс жасады, деп хабарлайды Altaynews тілшісі.
- Бұл университетті Ережеп Әлхайырұлының құрғаны барлығымызға аян. Ол - егемен Қазақстанның бірінші білім министрі, өзінің аймақтық университетін құрған алғашқы адам. Сондықтан ҚАЕУ-ға Mambetkaziev university атауын беретін кез келді деп ойлаймын, - деді қала әкімі Жақсылық Омар.
Естеріңізге сала кетейік, кеше ҚАЕУ-да шығармашылық кәсіпкерлікті қолдауға арналған Creative week көрмесі ашылды. Онда ШҚО студенттері мен шығармашылық адамдары өздерінің көркемдік жұмыстарын ұсынған болатын.
Оқи отырыңыз
