Жыл басынан бері көпбалалы отбасыларға берілетін мемлекеттік жәрдемақы орта есеппен 543,3 мың отбасына берілген. Жәрдемақының жалпы сомасы 170,3 млрд теңге мөлшерінде.

Мамырда 553,8 мың отбасына 34,8 млрд теңге мөлшерінде жәрдемақы төленді, деп хабарлайды Altaynews тілшісі ҚР Еңбек және халықты әлеуметтік қорғау министрлігінің баспасөз қызметіне сілтеме жасап.

Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Мәліметке сүйенсек, төлем мөлшері бала санына қарай есептеліп:

- 4 баласы бар отбасыларға – 16,03 АЕК немесе 55 304 теңге;

- 5 балаға – 20,04 АЕК немесе 69 138 теңге;

- 6 балаға – 24,05 АЕК немесе 82 973 теңге;

- 7 балаға – 28,06 АЕК немесе 96 807 теңге;

- 8 және одан да көп баласы бар отбасыларға – әр балаға 4 АЕК немесе

13 800 теңге мөлшерінде төленеді.