Шығыс Қазақстан облыстық драма және оперетта театрының сахнасында ерекше Magic on Stage концерт-перформансы өтті. Бағдарламада әйгілі «Айсулу», «MAMMA MIA», «Жарқанат» қойылымдарының үздік сәттері көрермен қауымға ұсынылды, деп хабарлайды Altainews.kz тілшісі.

Театр сүйер қауым сахнадан классикалық және заманауи өнердің түпнұсқалық үйлесімін, әртістердің шеберлігін және залдағы ерекше атмосфераны тамашалай алды.

Бас дирижердің айтуынша, жергілікті әртістердің қойылымдары көрермендер тарапынан ерекше жылы қабылданып келеді.

Өнердің халыққа жақын болуы қажеттігін атап өткен аймақ басшысы осындай мәдениет орталықтарын Риддер, Алтай және Зайсан аудандарында ашудың аса маңызды екенін ерекше атап өтті.

Әртістердің айтуынша, оперетта театры – олар үшін үлкен шығармашылық тәжірибе.