11 желтоқсан әлемде Халықаралық таулар күні ретінде аталып өтеді. Таулар тек әдемі табиғат және тамаша демалыс орны ғана емес, сонымен қатар қауіптің көзі болуы мүмкін,- деп хабарлайды Altainews.kz тілшісі.

Шығыс Қазақстанның басты бөлігін Кенді Алтай таулары алып жатыр. Мұзды шыңдары бар Белуха тауы (4506 м) – Сібір мен Алтайдағы ең биік тау. Бұл жер қар, мұз, қар көшкіндерінің патшалығы. Оған биіктігі 3373 м Бүркітауыл тауы іргелес орналасқан. Бүркітауыл – Оңтүстік Алтайдағы Белухадан кейінгі ең танымал шыңдардың бірі.

Қысқы кезеңде құтқарушылар мен "Қазселденқорғау" ШҚ филиалының мамандары көшкін қаупі бар учаскелерді тексеру арқылы таулы аудандардағы қауіпсіздікке мониторинг жүргізеді. Өңір аумағының 70%-ында қар көшкінінің қаупі бар. Егер беткейлерде қар көп жиналса, алдын алу шарасы ретінде қарды қолдан түсіру жұмыстары жүргізіледі.

"Қазселденқорғау" ШҚ филиалының басшысы Советбек Станбеков:

Сонымен қатар, Советбек Станбеков:

ШҚО ТЖД тұрғындарға кеңес береді:

• Егер тауға шығуды жоспарласаңыз, жорықты 112 телефоны арқылы тіркеңіз.
• Жалғыз бармаңыз, тәжірибелі гидпен бірге шығу қауіпсізірек.
• Ауа райы қолайсыз болған жағдайда тауға шығуға тәуекел етпеңіз.
• Сапалы жабдықты пайдаланыңыз және қауіпсіздік құралдарын ұмытпаңыз.

Төтенше жағдай орын алғанда, 112 нөміріне хабарласу қажет.

ШҚО ТЖД баспасөз қызметі