Қазақстанда Агробанк ашыла ма?
Фото: inbusiness.kz
Ұлттық банктің төрағасы Тимур Сүлейменов «Ауыл» партиясының «Ұлттық банк енді Агробанк құруға қарсы емес» деген мәлімдемесіне түсініктеме берді.
Ұлттық банк елімізде Агробанк құру туралы өз пікірін өзгерткен жоқ, банк құру идеясы жеткілікті түрде пысықталмаған. Бұл туралы Ұлттық банктің төрағасы Тимур Сүлейменов брифингте айтты, деп хабарлайды Altaynews.kz cайты Informburo.kz порталына сілтеме жасап.
«Ауыл» партиясы бұған дейін Үкімет пен Ұлттық банк елімізде Агробанк құру идеясына қатысты өз ұстанымын өзгерткенін айтқан болатын.
«Ауыл» партиясының хабарламасында бастапқыда Үкіметте Агробанк құру арқылы агроөнеркәсіп кешені қаржы жүйесінің тиімділігін арттыру қажеттігін жоққа шығарғаны атап өтілді.
Ұлттық Банк төрағасының орынбасары Виталий Тутушкин де хабарламада олардың Агробанк құруға қарсы емес екенін атап өтті.
- Ұлттық банк Агробанкті ұлттық даму институты ретінде құруға қарсы емес, – деп жауап берді Виталий Тутушкин партияға берген хабарламасында.
Ұлттық Банк төрағасы Тимур Сүлейменов ұстанымдарын өзгертпегенін және бұл мәселеге күмәнмен қарайтынын айтты.
Ол сондай-ақ банктің ұстанымы бастапқыда ауыл шаруашылығын қаржылай қолдау екенін атап өтті.
- Сонымен қатар, біздің ұстанымымыз, егер бізге аграршыларды қаржылай қолдау құралдарын жетілдіру қажет болса, біз оны қолдаймыз, – деп түйіндеді Тимур Сүлейменов.
Айжанат Бақытқызы
