Қатарлық инвестор қазақстандық банкті сатып алуға дайын
Фото: gov.kz
Қатарлық Lesha Bank қазақстандық "Бәйтерек" мемлекеттік холдингіне тиесілі банктің акцияларын сатып алуды жоспарлап отыр. Бұған Қатар қор биржасы жариялаған ақпарат дәлел, деп хабарлайды Аltainews.kz сайты Tengrinews.kz порталына сілтеме жасап.
- Lesha Bank 2024 жылғы 14 ақпанда "Бәйтерек" ҰБХ" АҚ-мен Қазақстан Республикасында банктің барлық жарғылық капиталын әлеуетті сатып алуға қатысты алдын ала келісім жасасты, - делінген биржа хабарламасында.
Мәміле тараптар арасында жасалатын түпкілікті келісімнің шарттары мен ережелері сәтті келісуге байланысты болады.
Lesha Bank (бұрынғы Qatar First Bank) - Қатардың қаржы орталығын реттеу басқармасынан мақұлдау алған шариғат қағидаттарына сәйкес келетін алғашқы тәуелсіз банк.
Жанаргүл Мұқатай
Оқи отырыңыз