Өскемендегі мектепте мұғалімге 100 млн теңге еңбекақы төлемек болған
Фото: Аяужан Утеулинова
ШҚО Сыбайлас жемқорлыққа қарсы іс-қимыл қызметі білім саласында талдау жүргізіп, олқылықтарды анықтаған.
Өскемендегі бір мектепте математика пәні мұғаліміне 100 млн теңге еңбекақыны негізсіз төлемек болған, деп хабарлайды Altaynews тілшісі.
Сыбайлас жемқорлық тәуекелінің бір түрі – бюджеттік өтінімді қағаз жүзінде рәсімдеп, өңдеу. Өскемен қаласындағы мектептердің бірінде тіркелген осындай бір істе математика пәні мұғалімінің белгіленген еңбекақысына қосылатын қосымша ақының көлемі 35%-дың орнына, 3500% деп көрсетілген. Нәтижесінде бір мұғалімнің өзіне 104,7 млн теңге еңбекақы төленуі мүмкін еді.
– Мектеп қызметкерлерінің банктегі шоттары бойынша мәліметтерді ауыстыру арқылы бюджет қаражатын ұрлауға қатысты деректер тіркелді. Риддер қаласындағы жалпы білім беретін мектептердің бірінде жеке шоттарға аударылған сома мен еңбекақы төлеу құжатындағы сомаларды есептеуде сәйкессіздік анықталды, – дейді Департамент басшысы Денис Шакенов.
Оқи отырыңыз
Антикор денсаулық сақтау саласын тексеріп жатыр - ШҚОКоммуналдық мекеме бюджет өтінімінде соманы 16,2 млн теңгеге негізсіз ұлғайтқанШҚО-да жемқорлық фактілері туралы ақпарат үшін жарты миллион теңге сыйақы төленгенСамарлық педагогтар қосымша ақысын ала алмай келгенБілім беру саласында қанша қаржы ұрланды?
