Шығыстағы бір ауылдың тұрғындары шұңқырды өз ақшасына жөндеді
Фото: egemen.kz
28 қыркүйекте Самар ауданының әкімі Нұрлан Махамбетовке Altaynews сайтының журналисі жол жөндеу туралы сұрай қойған. Редакцияға аудандағы Көкжыра ауылында биыл кіреберіс 3 шақырым жол жөнделгені, оған халық өз қаражатын жұмсағаны туралы ақпарат түскен.
Аудан әкімдігі осы сұраққа ресми жауап жіберіп, тұрғындар өз ақшасына шұңқырларды жөндегенін растады, деп хабарлайды Altaynews тілшісі.
— Бүгінгі күні халықтың күшімен шұңқырларды уақытша жамау жұмысы жүргізілді. Ұзындығы 3 шақырым болатын аудандық маңызы бар "Көкжыра ауылына кіреберіс" жолына орташа жөндеу жүргізу жоспарланып отыр. Жобаның алдын ала құны — 102 млн теңге. Бұл жоба ведомстволық сараптамадан өтеді. Ведомстволық сараптаманың оң бағасын алғаннан кейін ҚР СТ сәйкес жұмыстардың орындалу барысын бақылаймыз, — деп жазылған аудан әкімдігінің жауабында.
Оқи отырыңыз
