Күршім ауданының орталығында жаңадан спорт кешені салынады.

Бұл туралы аудан тұрғындарымен кездесуде ШҚО әкімі мәлім етті, деп хабарлайды Altaynews.kz тілшісі. 

Аймақ басшысы Күршім ауданының әкімі Алмат Ақышовқа және облыстық денешынықтыру және спорт басқармасының басшысы Асқар Можановқа осы мақсатта тиісті жұмыс атқарып, нысанның жобалық-сметалық құжаттамасын әзірлеуді тапсырды.

Сондай-ақ келер жылы Бұқтырма су қоймасының үстінен салынып жатқан еліміздегі ең ұзын көпір мен оған апаратын айналма жолдың құрылысы аяқталатынын да айта кетейік.

Жиында шаруа қожалығының басшысы Талғат Ақшағанов ветеринар дәрігерлердің тапшылығн тілге тиек етті. Сала мамандарының айтуынша, бүгінгі таңда Күршім ауданына 13 мал дәрігері қажет. Олардың жалақысы 200 мың теңгеге дейін көтерілген.

Ермек Көшербаев аудан әкіміне жас мамандарды ауылға көптеп тартуды, ең бастысы олардың баспана мәселесін шешуді тапсырды.

Қуаныш Рахметоллаұлы