Шығыс өңірінде аяз күшейе түсті. Соның салдарынан бірқатар білім мекемелері шәкірттерді қашықтықтан оқытуға көшті, деп хабарлайды Altaynews.kz тілшісі. 

Риддер қаласында сынап бағанасы 29°С нөлден төмен және солтүстік-шығыстан соққан желдің екпіні күшті. Сол себепті мұнда 0-11 сынып оқушылары онлайн оқиды.

Шемонаиха, Алтай аудандарында да 0-11 сынып оқушылары қашықтықтан білім алады. Алтайда тіпті колледждің 1-2 курс студенттері де онлайн оқиды. Бұл ауданда 43 градус аяз. 

Самар ауданында және Серебрянск қаласында 0-4 сынып оқушылары мектепке бармады.

Сондай-ақ Күршім, Глубокое, Ұлан аудандарында бірқатар білім мекемелері қашықтықтан оқытады.