Өңірдегі қар көшкіні жүру қаупі бар аймақтар «Қазселденқорғау» ШҚ филиалының қатаң бақылауына алынған. Қазірде облыс тұрғындарының қауіпсізігі мақсатында профилактикалық қар көшкінін түсіру жұмыстары жалғасуда.

ШҚО-да қыс басталғаннан бері 63 800 текше метр қар көшкіні түсірілген, деп хабарлайды Altaynews.kz тілшісі.

"Өскемен-Самар", "Өскемен-Алтай", "Өскемен-Алтай– Үлкен-Нарын – Катон-Қарағай – Рахман қайнары" автожолдарында тұрақты түрде жүргізіледі. Оның ішінде Осинов асуы ауданындағы қауіпті жол учаскелерінің бірі болып табылады.

ШҚО ТЖД құтқарушылар мен "Қазселденқорғау" ШҚ филиалы азаматтардан қауіпсіздік ережелерін барынша сақтауды сұрайды.

Төтенше жағдайға тап болсаңыз бірден 112 арнасына хабар беру қажет.