Қарлы боран, бұрқасын түріндегі ауа райының тосын мінезі бірнеше күн бойы жүргізушілерді алаңдатып отыр.

Шемонаиха ауданының полицейлеріне жолдан шығып кеткен Skania жүк көлігінің жүргізушісі хабарласқан екен. Ол көлігін өз күшімен қазып ала алмай қойған екен. Салдарынан жол тарылып, көліктер мен жолаушылар автобусының қозғалысына кедергі келтірілген, деп хабарлайды Altainews.kz тілшісі.

Оқиға орнына полиция қызметкерлері, құтқарушылар және ауыр жол техникасы жетті.

Жолды тазарту жұмыстары бір сағатқа созылды. Осыдан кейін автокөлік жүргізушілері жолдарын жалғастырды. Ал жүк көлігі мамандандырылған техниканың көмегімен шығарылды.

Осы ретте тәртіп сақшылары алыс жолға бара жатқанда, ауа райы жағдайларына мән беру керек екенін еске салады.

Егер сізге көмек қажет болса, дереу "102" немесе "112" арнасына қоңырау шалу қажет.