– Өңіріміздегі өзен-сулар тасыған кезде елді мекендерді су басу қаупі туындайды. Сондықтан алдымызда маусымдық су тасқынын болжайтын жүйені әзірлеу міндеті тұр. Біз осы іспен шұғылданатын зерттеушілер тобын құрдық, олар өзендер гидравликасы мен су басу аумақтарын модельдеуді, заманауи геоақпараттық жүйені, қауіпті объектілерді, инфрақұрылым нысандарын, мекемелерді, тұрғын үйлерді, рельефті картографиялық тұрғыда байланыстыратын болады, – деді Д. Серікбаев атындағы ШҚТУ Ақпараттық технологиялар саласындағы құзыреттер және технологиялар трансфері орталығының басшысы Руслан Шеттікбаев.

– Университетпен су тасқынын ерте анықтап, алдын алу шараларын қабылдауға мүмкіндік беретін технологияны дамыту бағытында белсенді жұмыс атқаратын боламыз. Болашақ жүйені жақсарту үшін метеорологиялық деректерді де іске қосуды жоспарлап отырмыз, – деп атап өтті ШҚО ТЖД алдын алу басқармасының бастығы Арман Наурызбаев.