ШҚО Полиция департаменті мен Amanat партиясы облыстық филиалының «Жастар рухы» жастар қанаты балалар арасында «Есірткіге жоқ деп айт» тақырыбында сурет байқауын өткізді, деп хабарлайды Altainews.kz сайты Polisia.kz порталына сілтеме жасап.

Түрлі жастағы балалар өнер арқылы қоғамның өзекті мәселесіне деген көзқарастарын білдірді.

Байқауға қатысушы 6-10-сынып оқушылары қазылар алқасына өз жұмыстарын ұсынды, оның құрамында ШҚО ПД есірткі қылмысына қарсы күрес басқармасы бастығының орынбасары Ринат Икласов пен аға жедел уәкілі Сағатбек Малтүгелов болды.

«Үздік сурет», «Үздік үгіт-насихат», «Үздік идея» сияқты бірнеше номинация бойынша жеңімпаздар анықталды. Олар дипломдармен, сыйлықтармен марапатталды, барлық қатысушыларға сертификаттар мен естелік футболкалар мен кепкалар табыс етілді.

Полицейлер балаларға белсенді қатысқаны және азаматтық ұстанымы үшін алғыс білдірді, психотроптық заттармен байланысты заңсыз әрекеттердің салдарын еске салды.