Күршім ауданындағы көпірді салған құрылысшыларды құттықтады
Күршім ауданы әкімдігінен
Тамыз айының екіншісі жексенбісі – құрылысшылар күні.
Осы айтулы мерекеге орай Күршім ауданы әкімінің орынбасары Қайрат Әзімбаев бастаған топ аудан үшін стратегиялық маңызы бар Бұқтырма су қоймасы арқылы өтетін көпірді салып жатқан құрылысшыларды төл мерекесімен құттықтап, марапаттады, деп хабарлайды Altainews.kz тілшісі.
- Көпір құрылысы - маңызды жоба. Бұл аудан үшін ғана емес, республикалық маңызға ие құрылыс. Бұл нысанды салып жатқан құрылысшылардың еңбегі зор, - деп атап өтті аудан әкімінің орынбасары.
Көпір құрылысшыларын аудандық ардагерлер кеңесінің төрағасы Есманбек Ақтекенов те құттықтады.
- Көпір құрылысы күршімдіктердің 50 жылғы арманы. Осы нысанда еңбек етіп жүрген сіздердің үлкен қолтаңбаларыңыз жатыр. Болашақта өскелең ұрпақ әкем, ағам істеген еді деген мақтанатын болады. Көпір уақытында аяқталып, Самар, Көкпекті, Марқакөл, Зайсан аудандарына кең жол ашылады. Сонымен қатар, азық-түлік арзандайды, туризм дамиды. Сіздерге аудан жұртшылығы атынан үлкен алғыс айтамыз, - деді Есманбек Ақтекенов.
Оқи отырыңыз
Бұқтырмадағы көпір құрылысы қашан аяқталады?Шығыс Қазақстанда бірнеше көпірді күрделі жөндеуден өткізу жоспарланып отырТөрт айда 98 метр. Бұқтырма су қоймасы арқылы өтетін көпір құрылысы қалай болып жатыр?Бұқтырма арқылы өтетін көпірдің құрылысына қаржы уақтылы бөлініп жатыр – Н. СақтағановБұқтырма көпірінің құрылысы қалай жүріп жатыр?