Азық-түлік жеткізушілерімен 34 комплаенс жасалды. Бұл өз кезегінде әлеуметтік маңызы бар тауарлардың бағасын 10-15 пайызға төмендетіп, көмір бағасын тұрақтандыруға мүмкіндік бермек, деп хабарлайды Altainews.kz тілшісі.

– Жылыту маусымы қарсаңында біз кәсіпкерлік субъектілеріне бәсекелестікті қорғау саласындағы заңнаманы қатаң сақтау қажеттігі туралы ескертеміз. Сондай-ақ, облыс тұрғындарына көмірді алдын ала сатып алуды ұсынамыз, – деді Наталья Петрова.
Айта кетейік, облыс бойынша көмірді сататын 13 теміржол тұйығы жұмыс істейді. Ал Өскеменде қатты отынды төрт теміржол тұйығынан сатып алуға болады. 

Биыл бір тонна көмірдің орташа құны 15800 теңге, ал әлеуметтік көмірдің бағасы – 15 300 теңге. 

                                                                                                                                                           Ажар Мұратқызы