Биыл сан мыңдаған шәкірттің шырағын жаққан №1 Самар орта мектебі мерейлі тойын атап өтуде. Осыдан тура 60 жыл бұрын негізі қаланған мектеп бүгінде аудандағы іргелі білім ордаларының бірінен саналады.

Аудан мектептерінің арасында өзіндік орны бар білім мекемесін Анара Қадырбекқызы басқаруда. Бүгінде 382 оқушы білім алып жатқан мектептің екінші тынысы ашылып келе жатқандай.

Сондай-ақ Анара Қадырбекқызы мектеп оқушылары мен түлектерінің ата-аналары білім ошағының өміріне үнемі белсенді араласатындығын жеткізді. Ата-аналар мектептің дамуына және заманауи талаптарға сай болуына қолдан келгенше көмек беруде.

Белгілі болғандай, биыл мектеп ұжымы жас мамандармен толығыпты. Сондай-ақ мұнда кезінде осы білім ордасынан қанат қағып, кейін қайта оралған Л.Гебель, А.Аманова, Г.Кудовба, С.Карменов, В.Арикова, Ә.Қабланов, А.Түкенева, А.Рахимова, Н.Дәрібаева сынды көп жылдық тәжірибесі бар ұлағатты ұстаздар қызмет атқаруда.

60 жыл бойы жас ұрпаққа білім мен тәрбие беру жолында тынбай еңбек етіп келе жатқан мектеп болашақта да талай шәкірттің шамшырағын жағары сөзсіз.

Оның айтуынша, мектеп ұжымының алға қойған мақсаты көп. Ол – оқу процесін жетілдіру, сабақтан тыс жұмыстарды дамыту, заманауи талаптарға сай білім беру жобаларына қатысу, тағысын тағы.

Нұржан Кенжеұлы