Өскеменде табиғатты қорғауға бағытталған маңызды шара ұйымдастырылды. Қала тұрғындары, этномәдени бірлестіктердің өкілдері, жастар мен қоғамдық белсенділер “Аққайнардың көзі аш!” экологиялық акциясына қатысып, бұлақ көзін тазарту жұмыстарына атсалысты.

Бұл шара тек сенбілік қана емес, туған жерге деген сүйіспеншілікті дәріптейтін ерекше мерекеге айналды. Қатысушылар ата-баба дәстүрін жаңғыртып, бұлақтың мөлдір суынан дәм татты. Табиғатты аялау идеясын насихаттайтын акцияның аясында ұлттық өнер мен мәдени құндылықтарды ұлықтайтын мерекелік бағдарлама да ұйымдастырылды.

Экологиялық шара барысында бұлақ маңайы қоқыстан тазартылып, айналасы абаттандырылды. Демалушылар үшін жайлы орта қалыптастырылып, бұл орын табиғат аясында серуендеуге ыңғайлы кеңістікке айналды.