Өскемен қаласында дәстүрлі «Өскемен Аруы» байқауының финалы өтті. Бұл жарыс Өскемен қаласы әкімдігінің қолдауымен ұйымдастырылып, қатысушылардың таланты мен біліміне, шығармашылық қабілетіне назар аударуды мақсат етті, деп хабарлайды Altainews.kz  тілшісі.

Сондай-ақ, байқау ұлттық дәстүр мен мәдени мұраны дәріптеуге бағытталған.

Биылғы байқауға Өскемен мен облыс аудандарынан 80-ге жуық бойжеткен өтініш берген. Финалға өткен арулар бірнеше кезеңнен сынға түсіп, олардың сұлулығы ғана емес, ақылы, креативті ойлау қабілеті, көпшілік алдында өзін ұстау мәнері және қазақ мәдениетін білу деңгейі бағаланды.

Байқау нәтижесінде Зинаида Бектемирова жеңімпаз атанды. Ол өз өнері мен білімін жоғары деңгейде көрсетіп, әділқазылардың жоғары бағасына ие болды.

Бас жүлде иегеріне 1 миллион теңге ақшалай сыйлық табысталды. Сонымен қатар, жүлдегерлерге демеушілер тарапынан бағалы сыйлықтар мен 100 мың теңгелік сертификаттар берілді.