«Қазгидромет» РМК 2023 жылы мониторингке алынған Қазақстандағы 69 елді мекен ішінде 18-інде ауаның ластану дәрежесі жоғары және өте жоғары деңгейде екенін мәлімдеді, деп хабарлайды Altaynews.kz сайты Informburo.kz порталына сілтеме жасап.

Олар: Алматы, Қарағанды, Ақтөбе, Астана, Теміртау, Өскемен, Риддер, Жезқазған, Саран, Талғар, Ақтау, Хромтау, Қандыағаш қалалары және Жанбай, Мақат, Шұбарши, Кеңқияқ, Индербор ауылдары.

Сондай-ақ, 27 елді мекенде (Павлодар, Құлсары, Атырау, Қостанай, Арқалық, Жітіқара, Лисаковск, Абай, Сәтбаев, Жаркент, Шымкент, Түркістан, Қызылорда, Кентау, Көкшетау, Семей, Аягөз, Шемонаиха, Алтай, Жаңаөзен, Щучинск қалалары және Бурабай, Қарабалық, Қызылсай, Састөбе, Ганюшкино, Әуезов ауылдары) ауа сапасы орташа деңгейде болса, тағы 24 елді мекен (Атбасар, Орал, Ақсай, Степногорск, Рудный, Талдықорған, Тараз, Балқаш, Жаңатас, Қаратау, Петропавл, Шу, Арал, Екібастұз, Ақсу қалалары және Глубокое, Қордай, Бурлин, Төретам, Ақай, Әйтеке би, Шиелі, Бейнеу, Ақсу ауылдары) ластану деңгейі төмен санатқа жатқызылды.

Айжанат Бақытқызы