Көлік жуу орындарын тексеріп жатыр - ШҚО
Фото: sk-cars.ru
Өскемендегі көлік жуу орындарына рейд жүргізілді. Тексеру барысында кәсіпкерлерге суды үнемдеудің жаңа тәсілдерін қолдану ұсынылды, деп хабарлайды Altainews.kz тілшісі.
ШҚО қоғамдық кеңесі ТҮКШ комитеті «ШҚО Азаматтық альянсы» ЗТБ өкілдерімен бірге қаладағы автокөлік жуу орындарына тексеру жүргізді. Рейд барысында көлік жуу орталықтарының сүзгілері тексеріліп, кәсіпкерлік нысан иелеріне ауызсуды үнемдеу керектігі ескертілді.
- Бүгін көлік жуу орталықтарын тексеруге шықтық. Қазір ел көлемінде ауызсу тапшылығы байқалуда. Сол себепті суды үнемдеудің жолдарын қарастыруымыз керек. Қаладағы көлік жуу орындарына техникалық суды пайдалануды және сүзгілердің заманауи түрлерін қолдануды ұсындық, - деді ШҚО қоғамдық кеңесі ТҮКШ комитетінің басшысы Владимир Грицай.
Айта кетейік, рейд барысында қаладағы барлық көлік жуу орындары тексеріледі. Нәтижесінде арнайы хат әзірленіп, көлік жуу орталықтарының иелеріне техникалық суды, жаңа технологиялар мен сүзгілерді пайдалануды реттеу туралы талап қойылмақ.
Оқи отырыңыз
