KZ
Өскемен
+3°
ясно жел 3 м/с, СБ
445.66 474.58 4.78

Күршімдік жастар мемлекеттің қолдауын тиімді пайдаланып жатыр

1.03.2024, 20:00 55 Қызырбек Дүргінбайұлы

Шағын және орта бизнестің дамуы жеке кәсіпкерлердің табысын еселеп қоймай, экономикаға да серпін беретіні анық. Осы тұрғыдан күршімдік жастар мемлекеттік бағдарламаны пайдаланып кәсіпкерлікті дамытып жатыр.

Еңбек және халықты әлеуметтік қорғау министрлігінің 2021-2025 жылдарға арналған кәсіпкерлікті дамыту жөніндегі ұлттық жобасы аясында Күршім ауданының 38 жас азаматы 2,5 пайыздық микрокредит алып, кәсіп бастаған, деп хабарлайды Altainews.kz тілшісі.

Аудан бойынша 21-35 жасқа дейінгі жастар арасында 35 адам мал шаруашылығы бойынша микрокредитке қол жеткізсе, екі жас кәсіпкер шаштараз және сұлулық салонын ашқан. Ал бір кәсіпкер сауда дүкенін ашып, халыққа қызмет көрсетуді бастады, деп хабарлайды Altainews.kz тілшісі.

Мемлекеттік бағдарлама арқылы берілетін микрокредитті алған жастардың бірі – кәсіпкер Назым Алимханова «Bala market» атты дүкен ашқан.

– Өзім де ана болғандықтан балаларыма сапалы, сәнді киім кигізгім келеді. Әр ана солай ойлайтыны анық. Басында аз ақшамен сауда-саттықты онлайн үйден бастап көрдім. Бұған қоса инстаграм парақшаны қатар жүргіздім. Парақшаның да көп пайдасы бар. Уақыт өте келе киімдерге сұраныс арта түсті. Саудаға төселе бастадым. Жалға бір ғимаратты алып, тәуекел етіп, тауар түрлерін көбейттім. Осы ретте 2,5 пайызбен 35 жасқа дейінгі жастарға берілетін мемлекеттік бағдарламаға қатысуға мүмкіндік туды. Үкіметтің жастарды қолдау бағдарламасы кәсібіміздің аяқтан тұруына үлкен ықпал етті. Жаңа дүкеннің ашылуына отбасым көмек көрсетті. Осылай 8 ай көлемінде жаңа дүкенді аштық, – дейді Назым Алимханова.

Дүкендегі балаларға арналған киімдер топтамасы апта сайын жаңаланып отырады. Тұтынушылардың айтуынша, жас нәрестеден 15 жасқа дейінгі кез келген балаға қолжетімді, ең бастысы киімдер сапалы. 
Сондай-ақ Назым Жангелдіқызы кез келген қайырымдылық шарасына, іскер әйелдер ұйымының жұмыстарына белсене араласады. Мысалы, «Мектепке жол» акциясы аясында аз қамтылған, көпбалалы отбасыларға тегін мектеп формасын беріп, қолдау көрсетеді. 

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив