KZ
Өскемен
+16°
небольшая облачность Штиль
452.92 484.99 5.12

Шығысқазақстандықтар балалар әдебиетінің тарихымен таныса алады

5.04.2024, 16:45 114 Ләззат Қанатқызы

О.Бөкей атындағы қалалық кітапханада заманауи технологияны пайдалана отырып оқырман назарына ұсынатын жаңаша дүниелер жетерлік. Бұл жолы да аталмыш кітап ордасы өз келушілерін жаңа жобамен қуантты. Қалалық кітапхананың балалар бөлімінде «Балалар кітаптарының тарихы - интерактивте» атты жоба жүзеге асырылып, тарихи-танымдық интерактивті музей ашылды. 
Кітапхана қызметкерлері бұл жолы балалар кітаптарын мұражайда жинақтап, зерттеп, зерделенген рухани құндылықтарды көпшілікке таныстырған. Мұндай тарихи-танымдық интерактивті музей республика бойынша алғаш рет жүзеге асырылып отырғанын айта кеткен жөн. 

-    «Әліппе» десе бірден есімізге Ахмет Байтұрсынұлы түседі. Қазақ басылымдары десек «Түркістан уәлаяты» мен «Дала уәлаятын» еске аламыз. Ал Алаш зиялыларының қазақ балаларының дамуына, олардың өсіп-өркендеуіне үлес қосқанынан көпшілік жұрт бейхабар. Ата-бабамыз ашаршылық, жоқшылық және жеке тағдыр тауқыметтеріне  төтеп бере отырып,  жас  ұрпақ  қамы, болашақ руханияты үшін  балалар кітаптары мен мерзімдік басылымдар шығаруға аянбай қызмет етті Аталған жобаның басты мақсаты – сол тұлғаларымызды бүлдіршіндерге таныстыру, - дейді кітапхананың БАҚ бөлімінің меңгерушісі Таңнұр Башай.

Жоба негізгі үш бөлімнен тұрады. Бірінші бөлімде Ы.Алтынсаринның өмірі мен еңбектері туралы, оның қазақ даласында мектеп ашып, бүлдіршіндердің білім алуына ерекше үлес қосқандығы туралы айтылады. Екінші бөлім – «Әліппелер». Бұл жерде А.Байтұрсынұлының әліппесінен бастап, біздің қазақ даласында ересектерге арналған әліппе, бірі білсе, бірі білмейтін М.Жұмабаетың әлеппесі туралы толыққанды ақпарат алуға болады. Үшінші бөлім мерзімді басылымдарға арналыпты. Бұл жерде де тек сол заманғы емес, қазіргі кездің басылымдары да қамтылады. Яғни, балалар мен ұстаздарға арнлаған жұмыстарды бір жүйеге топтастырып, ұсынылған. 

-    Бұл құнды қорымызды  сайтымыз арқылы шалғайдағы ауыл мектептері мен кітапханалары  да оқып, пайдалануларына болады. Өткен ғасырлардағы ұлт қайраткерлерінің кейінгі кезде беймәлім болып, ұмытылып бара жатқан құнды еңбектерін бүгінгі ұрпақ жадында қайта жаңғыртып,  ұлағат ету бәріміздің асыл парызымыз, - дейді Таңнұр Башай.

Жобамен танысып, әдеби-тарихи танымдық шараға қатысу үшін облыстың түкпір-түкпірінен қазақ тілі мен әдебиеті пәнінің мұғалімдері де жиналыпты. Кітапханаға үнемі зиялы қауыммен, елге белгілі ақын-жазушылармен танысу үшін келетін ұстаздар қауымы бұл жолы кітап ортадын жаңаша қырынан танығандарын айтады. 

-    Менің ұстаздық қызметте жүргеніме 30 жылдан астам уақыт болса да, балалар әдебиеті туралы көп мәліметті білмейтініме көзім жетті. Мұндай әдістеме, әдіс-тәсілдер баланың санасына сіңімді дүниелерді шығаруға үлкен септігін тигізері анық. Бұл жолы кітапхананы басқа қырынан көре алдым. Мұнда балаларды қызықтыратын заманауи дүниелердің көптігі мені қуантып отыр. Ғылыми жобаларға дайындалу барысында да осы музейде көрсетілген мәліметтерді қолдануға болады, яғни шығармашылық шеберханасы, үлкен қазына деп айтар едім, - дейді Глубокое ауданынан келген қазақ тілі мен әдебиеті пәнінің мұғалімі Ардақ Тауданбекова.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив