Еpetition.kz сайтында Ішкі істер министрлігіне бағытталған петиция жарияланды. Ұжымдық мәлімдеме авторлары көліктердің алдыңғы терезелерін қараңғылатуға рұқсат сұрайды, - деп хабарлайды Altainews.kz сайты Tengrinews.kz-ке сілтеме жасап.

Қазіргі уақытта петицияға 1854 қол жиналған.

"Сізден рұқсат беру құжаттарына өзгеріс енгізуіңізді және автомобильдің алдыңғы терезелерін атермаль пленкамен (ішінен мөлдір көрінеді) қаптауға рұқсат беруіңізді сұраймыз. Көптеген елде көліктің интерьерін және жүргізуші мен жолаушылардың денсаулығын сақтау үшін алдыңғы терезелерді қаптауға мүмкіндік бар. Біз, азаматтар, автокөлік терезелерін қараңғылатуға рұқсат алу үшін сақтандырудың қымбаттауын немесе мемлекет бюджетіне ақылға қонымды (100 долларға дейін) баж төлеуді қарастыруға дайынбыз", - делінген хабарламада.

Қол жинау 2024 жылдың 24 қарашасына дейін белсенді болады.