Облыс орталығында жедел жәрдем қызметін жетілдіру, шұғыл көмек көрсетуді ұйымдастырудың халықаралық стандарттарын енгізу, жедел жәрдем көрсетудің практикалық дағдыларын бекіту жөніндегі іс-шараларды іске асыру шеңберінде жедел жәрдем бригадалары арасында IV облыстық жарыс аяқталды.

Медицина қызметкері күніне орай  ұйымдастырылған жарыс " Көмектес, жеткіз, зиян келтірме!» ұранымен өтті.

Жарысқа тұрғындардан шақыруларды қабылдайтын және өңдейтін диспетчерлік қызметтің қызметкерлері алғаш рет қатысты, олардың функцияларының бірі "қоңырауды ұстап тұру" болып табылады, онда диспетчер шұғыл жағдайларда жедел жәрдем бригадасы келгенге дейін (жүректің тоқтауы, тыныс алудың тоқтауы, үйде босану және т.б.) өзіне-өзі көмек көрсету және өзара көмек көрсету әрекеттерін кезең-кезеңімен түсіндіреді.

Сайыстардың қорытындысында Өскемен қаласының бригадалары үздік деп танылып,  1 және 3 орындарды еншіледі, ал құрметті екінші орынды Зайсан қаласының бригадасы иеленді.

Жеңімпаздар күн сайын кездесетін жағдайларды тағы бір  пысықтағандарын айтты.