KZ
RU
Өскемен
+2°
пасмурно жел 7 м/с, ОШ
522.38 612.6 6.54

Глубокое ауданының екі округінде жаңа әкімдер сайланды – ШҚО

6.11.2025, 11:30 199 Базарова Айгүл

Глубокое кентінің әкімі болып Руслан Асанов, ал Секисовка ауылдық округінің әкімі лауазымына Елена Власкина сайланды, деп хабарлайды Altainews.kz.

2025 жылғы 2 қараша күні Глубокое ауданының екі округінде әкім сайлауы өтті. Дауыс беру қорытындысы бойынша Глубокое кентінің әкімі лауазымына Руслан Ақылбекұлы Асанов, ал Секисовка ауылдық округінің әкімі болып Елена Геннадьевна Власкина сайланды.

Аудан әкімі Эльдар Тумашинов тұрғындармен кездесіп, жаңа сайланған әкімдерді ресми түрде таныстырды.

— Оларға аймақтың өркендеуі мен дамуы жолында сәттілік пен табысты еңбек тілеймін, — деді Эльдар Тумашинов.

Айта кету керек, 2023 жылы Шығыс Қазақстан облысында алғаш рет аудан әкімдерінің сайлауы өткен болатын. Сол тарихи оқиғаға 45 пилоттық өңірдің қатарында Глубокое ауданы да қатысқан еді.

С.Аманжолов атындағы Шығыс Қазақстан университетінің «Құқықтану» кафедрасының қауымдастырылған профессоры Жанна Садықанова бұл үрдісті еліміздің демократиялық дамуының маңызды кезеңі деп бағалады.

— Сайлау – қоғамды демократияландырудың маңызды институттарының бірі, халықтың ерік-жігерін білдірудің және мемлекеттік басқаруға қатысуының айқын көрінісі. Белгілі болғандай, Мемлекет басшысы Қасым-Жомарт Тоқаев 2020 жылы ауыл әкімдерін сайлау жөнінде тапсырма берген болатын. Бұл шешім 2019 жылы жарияланған «Халық үніне құлақ асатын мемлекет» тұжырымдамасын іске асырудағы негізгі қадамдардың бірі болды. Оның басты мақсаты – жергілікті өзін-өзі басқару институттарын дамыту. Қазір аудан және қала әкімдерінің сайлауы пилоттық режимде өтіп жатыр. Алдағы уақытта мұндай сайлаулардың кең көлемде өткізілуі еліміздің мемлекеттік басқару жүйесін демократияландыруға деген берік ұмтылысын көрсетеді, — деді сарапшы.

Ал Мәжіліс депутаты Марат Башимов өз пікірінде бұл сайлаулардың жергілікті мемлекеттік басқару жүйесіндегі институционалдық реформалардың маңызын айқындайтынын атап өтті.

— Мұның барлығы қазақстандықтардың конституциялық құқықтарын қорғаудың тиімділігін арттыруға бағытталған, — деген болатын депутат.


Елизавета Седых

Оқи отырыңыз
ШҚО-да аудан әкімдері сайлауының қорытындысы шықты«Бір қабатты Шығыс»: Уварово ауылында 6 отбасы баспаналы болдыРенат Құрмамбаев Алтай ауданының әкімі болып сайландыАлтай және Глубокое аудандары әкімдерінің сайлауына үміткерлер ұсынылдыГлубокое ауданының активіне халық сайлаған әкім таныстырылды

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Компания туралы Байланыс деректері Сайттағы жарнама
Қолдану ережелері Құпиялық саясаты

Материалдарды редакцияның жазбаша рұқсатымен ғана көшіруге болады. Пайдаланылған материалдарға тікелей гиперсілтеме көрсету қажет.

2011-2024 “Altainews.kz”