2020 жылғы қаңтар-маусымда облыста 10684 сәби дүниеге келді немесе бұл 2019 жылғы сәйкес кезеңге 99,3%, деп хабарлайды Статистика департаменті.

Сондай-ақ, жыл басынан бері 6859 адам қайтыс болған. Бұл өткен жылғы қаңтар-маусымға қатысты алғанда 95,8%-ға тең. Қалалық жерлердегі қайтыс болғандар саны 4191 адамды, ауылдық жерлерде 2668 адамды құрады.

- 1 жасқа дейінгі жас шамасында 73 нәресте шетінеді, бұл 2019 жылғы қаңтар-маусымдағы деңгейден 75,3%-ға аз. Нәрестелер өлімінің құрылымында перинаталды кезеңде пайда болған жағдайлар (1 жасқа дейін қайтыс болғандардың 57,5%-ы), туа біткен ауытқулар (17,8%), тыныс алу органдарының аурулары (13,7%), - деп хабарлайды Статистика департаментінің баспасөз қызметі.