«AMANAT» партиясының облыстық филиалы жанындағы экономика, кәсіпкерлік және аграрлық сектор мәселелері жөніндегі өңірлік кеңес мүшелері Өскемен қаласындағы «Эмиль» балмұздақ фабрикасына барды,- деп хабарлайды Altainews.kz тілшісі.

Бүгінде фабрикада 200-ден астам жаңа жұмыс орны ашылып, ең заманауи жабдықтар орнатылған. Кәсіпорынның өнімдері халықаралық стандарттарға сай қатаң тексеруден өтіп, «Халал» және басқа да сапа сертификаттарын алған.

Фабрикада әлемдік брендтердің рецептілері негізінде балмұздақтың бірнеше түрлері өндіріледі. Өнімдер ересектер мен балалардың талғамына сай дайындалып, республика көлемінде үлкен сұранысқа ие. Кәсіпорын жыл сайын ассортиментін кеңейтіп, өндіріс көлемін ұлғайтуда. Биыл наурыз айынан бастап балмұздақтың жаңа түрлерін шығаруды жоспарлап отыр. Фабрикада өз ісіне берілген жас мамандар көп, сондай-ақ жаңа жобаларды жүзеге асыруға мүмкіндігі жоғары.

Айта кетейік, бұл фабрика «AMANAT» партиясының «Халықпен бірге» сайлауалды бағдарламасын іске асыру аясында әзірленген Жол картасының тармақтарын орындау мақсатында салынған.