Бұл туралы 29 шілдеде Абай аудандық полиция бөлімінің кезекші бөліміне арызданған кезде белгілі болды.

Абай ауданының полицейлерінің мәлімдеуінше, белгісіз біреулер ауылдардың бірінің су құбырын қашықтықтан басқаруды электр қуатымен қамтамасыз ететін бағандардан 630 метр кабель ұрлаған. 

Келтірілген шығын 315 мың теңгеге бағаланды. Тәртіп сақшылары күдіктілерді анықтап, оларды ұстауға көп уақыт жұмсамады. Анықталғандай, қаскүнемдер Абай ауданының 43 және 36 жастағы екі тұрғыны болып шықты. Олардан ұрланған мүлік тәркіленді. Ұсталғандардың айтуынша, олар кабельді түрлі-түсті металды қабылдау пунктіне өткізіп, ақшаны өз қалауларына жұмсағылары келген.

- Аталған факт3 ҚР ҚК 188-бабы "Ұрлық" бойынша сотқа дейінгі тергеп-тексерудің бірыңғай тізіліміне тіркелді. Тергеу амалдары жүргізілуде, - деді ШҚО ПД бастығының орынбасары Талғат Шаяхметов.