«Nur Otan» партиясы жанындағы «Jas Otan» Жастар Қанатының Шығыс Қазақстан облысындағы филиалы бүгін қоғамдық орындарда қала тұрғындарына медициналық бетперде таратты, деп хабарлайды Алтайньюс тілшісі.

Іс-шара облыс орталығындағы арбат маңында, Қасым Қайсенов атындағы және Жамбыл атындағы саябақтардың жанында ұйымдастырылды. Еріктілер қала тұрғындарына медициналық маска таратып,  қоғамдық орындардағы азаматтық жауапкершілікті арттыруға күш салды. Сондай-ақ бұл қауіпсіздік шараларын күшейтудегі кішігірім бір қадам еді. Тұрғындар да қамқорлық танытып, тегін бетперде таратқан белсенділерге алғыс айтты.

Карантиннің негізгі мақсаты – коронавирус инфекциясының таралуыны тосқауыл қою. Сондықтан тұрғындардың сақтық шараларын сақтап, үйден шықпауын сұраймыз – дейді Өскемендегі жасотандықтар.