COVID-19 вирусы Ресей Федерациясынан келген 2001 жылғы студент қызда расталды.
⠀
«Ауыл» шекара бекетіндегі санитарлық-карантиндік бөлімде эпидемиолог мамандар байланыссыз термометриядан өткізген. Сауалнама жүргізу барысында денсаулыққа шағымдары болмаған, деп хабарлайды ШҚО әкімінің баспасөз қызметі.

Алгоритмге сәйкес, экспресс-тестілеуден де өткен, нәтижесі - теріс. Мамандар 14 күн үй карантинінде болу қажеттілігі туралы түсіндіру жұмыстарын жүргізген.
⠀
- Семей қаласына келген соң тұрғылықты жері бойынша дәрігерлердің бақылауға алынды. Медицина қызметкерлермен денсаулық жағдайын бағалау үшін ПТР әдісімен қайтадан тексеру үшін биологиялық материалдарды сынамаға алады. ПТР зертханалық зерттеу нәтижелері COVID-19 вирусын растады, - деп хабарлады әкімдік.

Қазіргі уақытта науқас инфекциялық стационарға жатқызылып, тиісті ем алуда. Эпидемияға қарсы шаралар жалғасуда
⠀
Айта кетейік, қазіргі уақыттағы жағдай бойынша облыста коронавирусты жұқтырған 59 адам тіркелді.