Өскемендегі Қасым Қайсеновтің бюсті батырдың атындағы саябаққа қойылады, деп хабарлайды Алтайньюс тілшісі.

Бұған дейін жерлесіміз, партизан-жазушы, даңты батырдың кеуде-мүсіні қос көшенің қиылысында тұрған еді.

– Бюст енді саябақта тұрады. Ол жерде батырдың музей-үйі мен экспозоциясы бар. Сол маңға орналастырамыз. Қасым Қайсеновке арналған кешен болады. Әйтпесе бір бұрышқа, жанармай станциясы мен түнгі клубтың ортасына қойып қойған – бұл жарамайды, – деді қала әкімі Жақсылық Омар.

Саябақ қызметкерлерінің айтуынша, қазір мамандар бюсті қайта қалпына келтіріп, жөндеп жатқан көрінеді.