Елде ескі мәшинелерді қабылдау қайтадан басталды. Бұл іс карантин кесірінен тоқтап қалған болатын.

Қазіргі уақытта Нұр-Сұлтан, Ақтау, Атырау, Талдықорған қалалары мен Батыс және Солтүстік Қазақстан облыстарында ескі көліктерді қабылдап жатыр.

Сонымен бірге бүгін Семей мен Көкшетау қалаларында да қабылдау басталады деп жоспарланған.

Қабылдау уақыты сағат 9:00 – 17:00 аралығында. Мәшине өткізу үшін recycle.kz сайты арқылы кезекке тұрасыз. Сайт ішінде «Приём ВЭТС» бөлімін таңдауыңыз қажет.

Айта кетейік, былтыр ескі көлік өткізгендердің 10 673-і көліктің ақшасын алса, 25 151-і сертификат алуды құп көрген. Сертификатты жаңа көлік алу барысында пайдалануға болатынын айта кетейік.

Жуықта республика бойынша барлық облыс пен қаладағы қабылдау бекеттері ашылады деп жоспарланған.