Өскеменде полиция қызметкерлері үй ауласындағы балалардың ойын алаңдарын лентамен қоршап жатыр, деп хабарлайды Алтайньюс тілшісі.

Кейбір қала тұрғындары бұл жағдайға таңданыс білдіруде. Ал облыстық полиция департаментінің мәлімдеуінше, аталмыш іс-шаралар кішкентай бүлдіршіндердің қауіпсіздігі үшін жасалып жатыр. Өйткені карантиннің маңызын жете түсінбеген ата-аналар бар көрінеді.

Қазіргі уақытта балалармен бірге серуендеу өте қауіпті. Ата-аналарға осыны ескертіп айтқымыз келеді. Ал бүлдіршіндердің ойын алаңдарында топтасып ойнауына мүлдем болмайды, – деп мәлімдеді ШҚО ПД.

Сондай-ақ, өздеріңізге белгілі, ойын алаңқайлары күн сайын арнайы құралдармен дезинфекцияланады.