Риддер-Сокольный полиметалл кен орнында түтін шығып, кеншілер эвакуацияланды.

«Бүгін, 14 сәуірде Риддер-Сокольный кенішінің жер астында түтін шықты. Оған қауіпсіздік ережесін сақтамау себеп болғаны анықталды. Кеніштегі 206 адам эвакуацияланды. Зардап шеккен немесе қаза тапқандар жоқ», – деп жазылған Риддер қалалық төтенше жағдайлар басқармасы ұсынған ақпаратта.

 Отты өшіруге республикалық кәсіби әскерилендірілген авариялық-құтқару жасағының 11 қызметкері жұмылдырылған.

«Қазір жағдай реттелді. Түтін өшірілді. Кеніш жұмысы қайта жалғасты», – делінген ақпаратта.