ШҚО Төтенше жағдай қызметкерлері көпбалалы және жағдайы нашар екі мың отбасының үйіне өртті сезіп, белгі беретін аспап орнатады.

Жуықта құтқарушы қызметкерлер Риддер, Алтай қалаларында тұрғындарға өрт кезінде дұрыс әрекет ету жөнінде теориялық және практикалық сабақ өткізді.

Іс-шара барысында облыс әкімдігі, Төтенше жағдайлар департаменті және «Қазцинк» кәсіпорыны үшжақты келісімге келді. Келісім бойынша, аталмыш кәсіпорын өртті сезіп, белгі беретін екі мың аспап алып беретін болды.

Ал олар облыстағы көпбалалы және жағдайы нашар екі мың отбасының үйіне орнатылады.