Семей қаласының 2050 жылға дейінгі даму стратегиясы бекітілді, деп хабарлайды Аltaynews тілшісі. Бұл облыстық мәслихаттың кезекті отыз төртінші сессиясында мәлім болды.

«Стратегия орта мерзімді жоспарлауды, қала аумағын дамыту бағдарламаларын, әлеуметтік-экономикалық даму болжамдарын, кешенді даму жоспарларын, бас жоспарды, сондай-ақ қала аумағын жинақы салу жоспарларын қалыптастыруға негіз болады», – делінген Экономикалық және бюджеттік жоспарлау басқармасының баспасөз ақпаратында.

2050 жылға қарай Семей қаласында:

 – табиғи өсім, көші қонының оңды сальдосы және оңтүстік өңірлерден халықтың қоныстануы есбінен халық саны 350 мыңнан 500 мыңға (1,4 есе көбейеді) жетеді;

– өмір сүру ұзақтығы – 73-тен 84 жасқа дейін (15%) өседі;

– PISA тестінің нәтижелері бойынша анықталған білім деңгейі экономикалық дамыған мемлекеттердегі орташа деңгейден кем болмайды:

– полифункционалды аймақтар жасалады: өңіраралық сауда-логистикалық орталықтар, туристік, рекреацялық және спорттық, ойын-сауық қызметтері;

– қатты тұрмыстық қалдықтарды жою, залалсыздандыру, қайта өңдеу бойынша 80%-ды құрайды;

– халықтың орталықтандырылған сумен және су бұру жүйесімен 100% қамтамасыз етілуі;

– қайта жаңғыртылған энергия көздерін пайдаланатын қаланың үй шаруашылықтарының үлесі 50%-дн асады;

– бір тұрғынға шаққанда баспанамен қамтамасыз ету 21 шаршыметрден 30 шаршыметрге жетеді – 1,4 есе артады.