Өскемен қаласының 2050 жылға дейінгі даму стратегиясы бекітілді, деп хабарлайды Аltaynews тілшісі. Бұл облыстық мәслихаттың кезекті отыз төртінші сессиясында мәлім болды.

«Стратегия орта мерзімді жоспарлауды, қала аумағын дамыту бағдарламаларын, әлеуметтік-экономикалық даму болжамдарын, кешенді даму жоспарларын, бас жоспарды, сондай-ақ қала аумағын жинақы салу жоспарларын қалыптастыруға негіз болады», – делінген Экономикалық және бюджеттік жоспарлау басқармасының баспасөз ақпаратында.

2050 жылға қарай Өскемен қаласында:

– табиғи өсім, көші қонының оңды сальдосы және оңтүстік өңірлерден халықтың қоныстануы есбінен халық саны 345 мыңнан 550 мыңға (1,6 есе көбейеді) жетеді;

– өмір сүру ұзақтығы – 73-тен 84 жасқа дейін (15%) өседі;

– жұмыссыздық деңгейі 4,8%-дан 4,%-ға төмендейді;

– PISA тестінің нәтижелері бойынша анықталған білім деңгейі экономикалық дамыған мемлекеттердегі орташа деңгейден кем болмайды:

– атмосфераның ластануы 3,5 ұпайдан аспайды;

– қатты тұрмыстық қалдықтарды жою, залалсыздандыру, қайта өңдеу бойынша 80%-ды құрайды;

– халықтың қаладағы өмір сүру деңгейі мен өміріне қанағаттануы 70%-дан кем емес;

– бір тұрғынға шаққанда баспанамен қамтамасыз ету 23,2 шаршыметрден 30 шаршыметрге жетеді – 1,3 есе артады.