Өскеменде Трамвайлар тоқтатылды. Бірақ бұл жолы көлік рельстен шыққан жоқ, мүлде басқа себеппен, деп хабарлайды Алтайньюс тілшісі.

Демалыс күні, жүргіншілердің айтуынша, Достық үйінің тұсында теміржол бірнеше мәрте жабылған. Бүгін таңертең де трамвайлар аз уақыт бөгелген.

– Қаламызда Мұқағали Мақатаев туралы фильмнің түсірілімі жүріп жатыр. Осыған байланысты жол 30 минуттан үш мәрте жабылды. Естеріңізде болса, түсірілім көктем де болған. Енді күзгі көріністерін түсіріп алып кетті. Осымен болды. Келеңсіздік енді қайталанбайды, – деді «Өскемен көлік компаниясы» ЖШС-ның басшысы Михаил Чайка.

Иә, есеріңізде болса, «Қазақфильм» киностудиясы Мұқағали Мақатаев туралы фильмнің түсірілім жұмыстарының біразын Өскеменде жүргізетінін жазған едік. Фильмнің режиссері Болат Қалымбетовтің айтуынша, сол кезге сай картинаны көрсету үшін Өскемендегі ескі үйлер орналасқан Стаханов, Металлург көшелері таңдалып алынған.